علــى هونكم يا اللي تجرون عندي الصوت
ترى المشتحن يبكي على الصوت لا سمعه
اجاريكم وقد لي وانـا .. صايم امن القوت
وهمومي من مفـارق من احب مجتمـعــه
يا ليت الليال الماضيه .. ترجع بــريمـوت
ما والله اقول ان عاد فالمقبلـه طمـعـــه
وانا داري انه عقـب صدته فـات الفــوت
ولا عـاد ربــي بكاتــب لنـا .. ولا جمـعــه
يا بـرد المفـارق ما لقينا لبردك .. كــــوت
ولا بـه ذرى للوصــل .. لا ينطفــي شمعه
يقولون لي هليت دمعك وأنا مبهوت
وأنا آقول هذي رمعةٍ ماهي برمعه
أحبه وحبه في فواد الشقي منحوت
لكنه ماطيح من عيوني ولآدمعه
عزاز النفوس تعيش لو هي بدون بخوت
ماهي تنحني للذل وتضيع السمعه
فراق الولايف والله إنه سوات الموت
جعل ماهوب يسقى علي ليلة الجمعه
المشاركات
ليست هناك تعليقات:
إرسال تعليق